തിരുവനന്തപുരം∙ കെഎസ്ഇബിയില് വിജിലന്സ് നടത്തിയ മിന്നല് പരിശോധനയില് ലക്ഷങ്ങളുടെ അഴിമതിയും വ്യാപകക്രമക്കേടും കണ്ടെത്തി. കരാറുകാരില്നിന്നും കമ്മിഷന് ഇനത്തില് ഉദ്യോഗസ്ഥര് കൈക്കൂലി വാങ്ങി പരിശോധന നടത്താതെ ബില് മാറി കൊടുക്കുന്നുവെന്ന വിവരത്തിന്റെ അടിസ്ഥാനത്തിലാണ് ‘ഓപ്പറേഷന് ഷോര്ട്ട് സര്ക്യൂട്ട്’ എന്ന പേരില് റെയ്ഡ് നടത്തിയതെന്ന് വിജിലന്സ് അറിയിച്ചു. വിവിധ സെക്ഷന് ഓഫിസുകളിലെ 41 ഉദ്യോഗസ്ഥര് പല കരാറുകാരില് നിന്നായി 16,50,000 രൂപ അക്കൗണ്ടുകളിലൂടെ മാത്രം കൈക്കൂലിയായി കൈപ്പറ്റിയതായി വിജിലന്സ് വ്യക്തമാക്കി.