കൂട്ടിക്കൽ: പഞ്ചായത്തിലെ മേലേത്തടം ഭാഗത്ത് പുലിയെയും മൂന്ന് കുഞ്ഞുങ്ങളെയും കണ്ടത് പ്രദേശവാസികളെ പരിഭ്രാന്തിയിലാഴ്ത്തി. മേലേത്തടം തോട്ടത്തിൽ ജോലിക്കെത്തിയ സ്ത്രീകളാണ് പുലിയെ നേരിട്ട് കണ്ടത്. ഉടൻ തന്നെ വിവരം വനംവകുപ്പിനെ അറിയിക്കുകയും ഉദ്യോഗസ്ഥർ സ്ഥലത്തെത്തി നടത്തിയ പരിശോധനയിൽ പുലിയുടെ സാന്നിധ്യം സ്ഥിരീകരിക്കുകയും ചെയ്തു.
പുലിയുടെ സഞ്ചാരപഥം നിരീക്ഷിക്കുന്നതിനായി ഇന്ന് തന്നെ പ്രദേശത്ത് നിരീക്ഷണ ക്യാമറകൾ സ്ഥാപിക്കുമെന്ന് വനംവകുപ്പ് അറിയിച്ചു
വല്ലേന്ത, മേലേത്തടം, കൊടുങ്ങ എന്നീ പ്രദേശങ്ങളിലുള്ളവർ അതീവ ജാഗ്രത പാലിക്കണമെന്ന് ഫോറസ്റ്റ് ഓഫീസർ അറിയിച്ചു.
തോട്ടം തൊഴിലാളികളും കൃഷിയിടങ്ങളിൽ പോകുന്നവരും ഒറ്റപ്പെട്ട സ്ഥലങ്ങളിൽ പോകുമ്പോൾ പ്രത്യേകം ശ്രദ്ധിക്കണം. സന്ധ്യാസമയങ്ങളിലും പുലർച്ചെയും പുറത്തിറങ്ങുന്നവർ ജാഗ്രത പുലർത്തണമെന്നും വനംവകുപ്പ് നിർദ്ദേശിച്ചു. പ്രദേശത്ത് നിരീക്ഷണം ശക്തമാക്കാനാണ് അധികൃതരുടെ തീരുമാനം.